Aarvik gard - meir enn ein overnattingsplass

Vår filosofi er å gi like mykje tilbake som me haustar frå naturen, og anerkjenne at me er ein del av naturen og naturens kretsløp og sesonger. Me meiner det er viktig å ta vare på og bygge opp jorda og ikkje utnytte ho av omsyn til naturen sjølv, men også framtidige generasjonar. Her dyrkar me mat utan å pløye jorda, og tar vare på det biologiske mangfaldet ved å ikkje nytta sprøytemidlar eller kunstgjødsel. Her hentar me tang frå fjæra, nyttar grasklipp og gjødsel frå dyra våre og nyttar vekstskifte for å unngå sjukdom på plantene våre.

Me ynskjer også at de som gjestar skal få oppleve korleis det er å vere på eit småbruk og leve i pakt med naturen. Me ynskjer at de skal få nyte roen og komme til dykk sjølv ved å bu på ein plass der tida går sakte og naturen omringer ein på alle kantar. Her får du kvile og sove godt på økologiske og handlaga Sleep on Nature madrassar frå Coco-Mat og våkne til fuglekvitter og bølgebruset i Aarvika. Og her får de nyte god og økologisk mat i kafèen med nybakte brød og boller frå det vesle bakeriet vårt.

Hjarteleg velkomne til Aarvik gard

Alt godt,

Fru Aarvik og familien

Gode og reine råvarer – godt resultat

I bakeriet nyttar me norske økologiske råvarer, ikkje berre fordi dei har særs høg kvalitet, men først og fremst fordi bøndene ikkje nyttar sprøytevernmidlar og kunstgjødsel. Øko-bonden spelar på lag med naturen, og dermed sørger ho/han for å legge til rette for eit mykje større biologisk mangfald både over og under jorda enn ved konvensjonelt landbruk.

Urkorn var også eit naturleg val sjølv om bakeeigenskapane ikkje er like god som hos dei vidareforedla sortane. Til dømes så har gamle kveitesortar som einkorn, emmer og spelt svakare gluten i tillegg til å ha eit høgare innhald av dei viktige næringsstoffa samanlikna med moderne kveite.

Litt historie

Aarvik gard har sannsynligvis eksistert sidan før 1500talet grunna den gode jorda, beliggenheiten ved sjøen og elva. Skriftlige kilder og det me veit visar at Aarvik gard har bygninger datert tilbake til 1700 og 1800 talet med den eldste; røykstovo med jorde i taket og mest sannsynleg er smio også frå den tida eller eldre. Me har ikkje oversikt over når bygningene vart oppført.

I bygdesogo for Hålandsdalen står det at garden under Svinasteinen fyrste gong vart nemnt i løpet av 1500talet, men det finst ikkje noko nevnt om garden i 1519 ifølge Soga for Fusa, Hålandsdal og Strandvik. Første gong det vart registrert skatt var i 1563 då Arnold på Siunesøn betalte 2 lott sølv i skatt. Aarvik gard høyrde til Svinastein (tidligare kalt Siunesøn) gardsbruk.

Tunet består av 13 bygningar, hvorav 4 står i ein klynge med to stover med fleire fine og gamle møblar, stabbur med utstyr som gamle trau, bøttar, kjøkenredskap, handlaga og vakkert handskore/dekorerte møbler som Sveinung sine forfedre har gjort m.m. og skykkjo som også er i dårleg forfatning.

Eldhuset står eit lite stykke frå klyngetunet, ca. 20m (den gamle som stod i klynga, brann ned og då bygga dei det "nye" eldhuset eit stykke vekk frå tunet ein gong på midten av 1800talet). Den gamle smio står for seg sjølv i lio, vel 50m frå klyngetunet. Smålhuset er også plassert eit lite stykke frå klyngetunet mot sjøen. Ellers står det restar etter fleire gardsmøller oppover i Årvik-elvo.

Nede ved sjøen der elven løper ut (Mjølhålo) er det ein gammal sjøbu og naust i grindverk med kledning, ein verkstad med gamle verktøy, maskinar og malar til ting dei laga der før i tida, samt ein gammal sag (Saneset) med ein gammal sag som blei dreven av eit hjul som stod ute i elven (Saghuset er delt eigarskap med naboen som er i slekt med oss).

Løo vart oppgradert på begynnelsen av 1990talet, men vart bygd ein gong på 1860talet og ein del av reisverket/grindverket og grunnmuren er originalt frå den den tida. Tunet er omringa av bakkar som me slår kvar sommar og har ein nydeleg beliggenhet heilt nede ved sjøen. Det er også ein vårflor oppe på stølen som vart nytta til storfe fram til 2022. På garden er det også gammal slåttemark og naturbeitemark i området overfor garden. I si tid på slutten av 1800talet var det heile 20 små og større hus som høyrde til Aarvik gard.

I dag bur Ranita og Sveinung med sine 3 barn på småbruket Aarvik gard i Bjørnafjorden kommune i Vestland. Bakeriet starta i 2019 som Fru Aarviks vesle bakeri og kjøkenhage med bakeri i kjellaren i vår forrige bolig. Kjøkenhagen starta me samstundes opp på garden til Sveinung sine foreldre i Aarvik. I 2023 fekk me kjøpe familiegarden og flytta inn på hausten. Etter at me tok over, kjøpte me inn 9 geiter av den bevaringsverdige rasen Kystgeiter som dei fyrste i Bjørnafjorden kommune og tok med oss hønseflokken som no bur ilag med geitene i Smålhuset.

Fru Aarvik eller Ranita som ho likar å bli kalla, har eit stort hjarte for gode, reine og kortreiste råvarer av høg kvalitet og då spesielt urkorn og andre gamle kornsortar. Mannen hennar Sveinung står for restaurering og rehabiliteringen av gardshusene, samt mykje anna av arbeidet som må gjerast på garden.